Get Adobe Flash player

رسالت ۽ نبوت جي دامن ۾ پليل ،عصمت ۽ طهارت جي اعلى مثال مدافع امامت حوريه انسيه بتول و عذراء صديقه ڪبرى بنت رسول زوجه مرتضى حضرت فاطمه زهرا سلام الله عليها جي پردرد ۽ مظلومانه شهادت تي حضرت امام زمانه عج سان گڏ تمام غيرت مند مسلمانن ۽ سندن محبن جي خدمت ۾ تسليت پيش ڪريون ٿا 

السلام عليڪ يا اباعبدالله الحسين! عربستان جي سرزمين تي اڄ ڪلهه حج جي موسم آهي ۽ پوري دنيا جي هر ڪنڊ ڪڙڇ، ملڪ ملڪ ۽ شهر شهر جا ماڻهون هن وقت مڪي جي سرزمين تي گڏ ٿي چڪا آهن،  جيڪي هن وقت امن واري سرزمين تي الله رب العزة جي عبادت ۾ مشغول آهن ۽ ان عظيم فريضي کي انجام ڏينهن جو انتظار ڪري رهيا آهن، جنهن کي خداوند متعال مسلمانن لاءِ حج بڻايو آهي .

هتي ايندڙ هر شخص تي فرض آهي ته الله جي خاص نشانين جي احترام لاءِ، حرم ۾ داخل ٿيڻ وقت  احرام پائي ،سندس گهر جو طواف ڪري ،مقام ابراهيم جي پويان ٻه رکعتون نماز ادا ڪري ،صفا ۽ مروه  جي وچ ۾ سعي ڪري ۽ پنهنجي نفس کي خدا اڳيان تسليم ڪندي پنهنجي مٿي جا وار ڪوڙائي پنهنجي بندگيءَ جو اعلان ڪري. جيڪڏهن حج جي مهينن ۾ آيو آهي ته انتظار ڪري ۽ حج کي انجام ڏيڻ کانپوءِ هن سرزمين کي ڇڏي . عرفات جي سرزمين تي ڌڻيءَ در ٻاڏائي، مشعرالحرام ۾ رات جو عبادت ڪري ۽ صبح جو منى ۾ شيطان کي پٿريون هڻي کائنس بيزاريءَ جو اظهار ڪري .

مڪي جي سزمين کي الله پاڪ انسان لاءِ امن جي سرزمين مقرر ڪيو  ۽ حرم جي حدن کي سڀني مسلمانن لاءِ محترم بڻايو ۽ اتي ڪنهن انسان جو قتل ته پري جي ڳالهه آهي، ڪنهن ننڍڙي جيت کي مارڻ  به جائز ناهي ايستائين جو اتي ڪنهن ٻوٽي جي پنن کي پٽڻ ،ڪنهن وڻ کي وڍڻ يا ڪنهن جانور جو( جائز مقصد لاءِ به) شڪار ڪرڻ جائز ناهي.

هن سرزمين جي هڪ ٻئي اهم ڳالهه هن جو هر مسلمان جو وطن هجڻ آهي يعني انسان جڏهن پنهنجو وطن ڇڏي ڪنهن ٻئي شهر ۾ سفر ڪري  ٿو ته اهو مسافر ۽ پرديسي هوندو آهي ۽ سندس مٿان مسافر جا سڀئي حڪم لاڳو ٿيندا آهن،۽ هو اتي اجنبي شمار ٿيندو آهي ليڪن هن سرزمين کي الله پاڪ ”ام القرى“ ۽ سڀني مسلمانن جو وطن مقرر ڪيو آهي  يعني هتي ايندڙ انسان مسافر ناهي ۽ مڪو سندس پنهنجو وطن آهي، هو نه مسافر آهي نه اجنبي !!! هو هتي نماز قصر نه پر پوري ادا ڪري ٿو ۽ روزا به رکي سگهي ٿو.

ٽئين اهم ڳالهه جيڪا اسلامي قانون مطابق هن سرزمين تي لاڳو ٿئي ٿي سا اها آهي ته جيڪڏهن ڪو شخص هتي پناهه اچي وٺي ته ڪنهن کي حق حاصل ناهي ته کيس اتان تڙي ڪڍي ڀلي کڻي ڪيڏو به وڏو جرم ٿيل هجيس .

اسلامي دنيا جو سڀني کان وڌيڪ مقدس شمار ٿيندڙ هيءُ اجتماع جنهن ۾ پوري عالم اسلام ۽ هر رنگ ۽ نسل، فرقي ۽ مذهب جا ماڻهو شامل آهن هن وقت مڪي جي سرزمين تي جاري آهي ۽ لکين ماڻهن جو هيءُ عظيم ميلو متل آهي جن سڀني ماڻهن کي دنيا جون سڀئي جديدترين سهولتون مهيا آهن، بهترين بندوبست ۽ ڀلا انتظام ٿيل آهن ته جيئن کين هيءَ مقدس عبادت انجام ڏيڻ ۾ ڪا تڪليف نه ٿئي ۽ کين حج کانسواءِ ڪنهن ٻئي شيءَ جو فڪر ۽ پريشاني نه هجي.

مون جڏهن انهن سڀني شئين تي نظر وڌي ۽ انٽرنيٽ ذريعي انهن سڀني شين جو مشاهدو پئي ڪيو ته بي اختيار سوچ جي سوئي تاريخ جي هڪ عظيم حادثي تي وڃي اٽڪي ۽ تاريخ جي سڀني کان وڌيڪ مظلوم انسان يعني نواسه رسول (ص)،جگر گوشه علي و بتول (ع) حضرت امام حسين عليه السلام جي مظلوميت ياد اچي وئي ۽ اکين ۾ لڙڪ تري آيا ۽ تصور ئي تصور ۾ ان واقعي جي منظر ڪشي ڪيم ته امام حسين عليه السلام  پنهنجي ٻچڙن ۽ باوفا ساٿين سان گڏ هن سرزمين کي ڪيئن الوداع ڪئي هوندي ۽ پوءِ اهو سوال ذهن ۾ آيو ته  آخر ائين ڇو ٿيو؟

جنهن سرزمين کي اسلام جي ڪري مانُ مليو، الله جي پاڪ رسول الله جي هٿان عزت ملي ۽ امام حسين عليه السلام جي وڏڙن جي ڪري شرف مليو، ان سرزمين کين جڳهه نه ڏني؟ اتان جي ماڻهن امام حسين عليه السلام جو ساٿ ڇڏي ڏنو؟

هيءُ ئي ڏهاڙا هئا جن ۾ امام حسين عليه السلام پنهنجا ٻچڙا ساڻ ڪري امن جي سرزمين کي ڇڏيو ۽ ڪربلا جي رڻ پٽ ڏانهن راهي ٿيا. هاءِ افسوس جو پوري انسانيت لاءِ امن بڻجندڙ شهر مڪو امام حسين عليه السلام کي امن نه ڏئي سگهيو، هر انسان جي پناهگاهه بڻجندڙ هيءُ حرمُ، امام حسين عليه السلام ۽ سندن ٻچڙن کي پناهه نه ڏئي سگهيو؟ جنهن سرزمين تي جيت جڙڻين کي ستائڻ به حرام هئو، اتي پاڪ نبيءَ جي اولاد کي ستايو ويو؟ جنهن حج کي انجام ڏيڻ  لاءِ پوري دنيا جا مسلمان موجود هئا پر اتي امام حسين عليه السلام ۽ سندن ٻچڙن لاءِ گنجائش نه هئي؟ عرفات تي هر مسلمان کي دعا گهرڻ جي اجازت هئي پر امام حسين عليه السلام کي مهلت نه ملي؟ مشعر الحرام ۾ لکين حاجين جي سمهڻ جي جاءِ هئي ليڪن علي عليه السلام جي اولاد لاءِ زمين تنگ هئي؟ مني جي سرزمين تي هر حاجيءَ کي خيمي هڻڻ لاءِ جڳهه ملي  پر  زهرا سلام الله عليها جي ٻچڙن کي جڳهه نه ملي؟

           ها هيءُ اهي ئي ڏهاڙا آهن جن ۾ امام حسين عليه السلام مڪي جي سرزمين کي ڇڏي ،ڪربلا ڏانهن راهي ٿيا،حج کي عمري ۾ تبديل ڪندي ٻچڙا وٺي نئين پناهگاهه جي ڳولا ۾ نڪري پيا، عرفات جو ميدان ڇڏي دعا لاءِ ڪربلا جو بيابان وسايائون، مشعر الحرام ڇڏي ،رات ڪربلا جي رڻ پٽ ۾ گذارڻ لاءِ ڪهي نڪتا. مني جي سرزمين تان خيما پٽي فرات جي ڪنارو آباد ڪرڻ جو ارادو ڪيائون ، مڪي جي امن کي ڇڏي ڪربلا جي سرزمين کي امن جي سرزمين بڻائڻ جو عزم ڪري نڪتا!

هاءِ افسوس صد افسوس! ان سرزمين تي جنهن نبيءَ جي ٻچڙي کي ائين وڃڻ ڏنو ۽ هاءِ افسوس صد افسوس ! انهن ماڻهن تي جن آل رسول  عليهم السلام جي ڪجاون کي تيار ٿيندي ڏٺو ليڪن کين نه روڪيو! هاءِ افسوس صد افسوس! انهن مسلمانن تي جن پنهنجي حج جو فڪر ڪيو ليڪن حج جو فريضو پهچائيندڙ پيغمبر جي اولاد کي بي آسرو ڇڏي ڏنو!

جڏهن اهو سڀ سوچيان ٿو ته بي اختيار زبان تي، سنڌ جي عظيم روحاني۽ عرفاني شاعر، شاهه لطيف جو هيءُ بيت زبان تي تري اچي ٿو:

اکــين ڪين ڪيو، جــــو رت نه رنـــــائون،
پــلاڻــيـندي   پــرين    کــــــي، بيٺي  ڏٺـــائـــون،
تن  اکين آئون، ڪهــڙو ڪجل  پائيان
.

 

التماس دعا

حضرت-علي-ع-جي-روضي-۾-صحن-زهرا-س حضرت مولا علي عليه السلام جي روضي ۾ هڪ نئين صحن ۽ شبستان جو اضافو ٿيون آهي جيڪو انتهائي بهترين ۽ شاندار هجڻ سان گڏ اسلامي معماريءَ جو اعلى نمونو به آهي . هن شبستان جي ٺهڻ سان مومنن کي مولا جي روضي ۾ وڌيڪ سهولت ٿيندي ۽ گرمين ۽ سردين ۾ بهترين مسڪن...
650
ya-zainbحضرت زينب ڪبرى سلام الله عليها جي ولادت باسعادت جي موقعي تي سندن روضي مبارڪ جون ڪجهه نيون تصويرون شيئرڪري رهيا آهيون اميد ته پسند اينديون ۽ ڌڻيءَ در اها دعا گهرون ٿا ته ان پاڪ بيبيءَ صدقي ان جي روضي مٿان موجود سڀ خطرا ختم ٿين ، دشمن نابود ٿين ته جئين...
580
maarif-islami-quez2معارف اسلامي ڪوئز جي نالي سان اسلامي معلومات تي مشتمل سوال جوابن تي  هي ڪوئز مختلف  اسلامي موضوعن ۽ مرحلن تي شامل آهي جنهن کي اسان مرحلي وار پيش ڪندا رهندا سين .اميد ته اوهان کي شيعه دوست ڊاٽ ڪام جي هيءَ ڪاوش پسند ايندي ان سلسلي جي پهرئين ڪڙي معرفت...
560
معارف-اسلامي-ڪوئز-معرفت-ائمه-ع-1معارف اسلامي ڪوئز جي نالي سان اسلامي معلومات تي مشتمل سوال جوابن تي  هي ڪوئز مختلف  اسلامي موضوعن ۽ مرحلن تي شامل آهي جنهن کي اسان مرحلي وار پيش ڪندا رهندا سين .اميد ته اوهان کي شيعه دوست ڊاٽ ڪام جي هيءَ ڪاوش پسند ايندي ان سلسلي جي پهرئين ڪڙي معرفت...
620
akhlaq         الله سائينءَ جي پسنديدہ دين اسلام جي تبليغ ۽ ترويج ۾ پيغمبر اسلام محمد مصطفى صلى الله عليه وآله وسلم جن ڪيترو ڪامياب ويا پوري دنيا ان جي بهترين شاهد آهي جو اڄ سندن زبان مبارڪ تان جاري ٿيل لاالہ الله جي صدا محمد رسول الله جي صدا سان گڏ دنيا جي...
103860
rasol-sadiqانسانيت جي تاريخ ۾ اهڙا انسان تمام گهٽ پاتا وڃن ٿا جن جي زندگيءَ جون خاصيتون پيغمبر اڪرم ﷺجي زندگي جيانچٽيون ۽ واضح بيان ٿيل هجن.خداوند متعال قرآن شريف ۾ جنهن تمام سهڻن جملن۽ تمام ڀلي بيان سان پاڻ سڳورن جي سڃاڻپ ڪرائي آهي ۽سندن تمام اعلى گڻبيان ڪيا اٿس....
29170
musstafa-141_چاليهه حديثون ياد ڪرڻ جو اجر.         مَنْ حَفِظَ مِنْ أُمَّتِي أَرْبَعِينَ حَدِيثاً مِمَّا يَحْتَاجُونَ إِلَيْهِ مِنْ أَمْرِ دِينِهِمْ بَعَثَهُ اللَّهُ يَوْمَ الْقِيَامَةِ فَقِيهاً عَالِما.[1] منهنجي امت منجهان جيڪو به اهڙيون چاليهه حديثون ياد ڪري...
15290
پاڪ-رسول-ص-بياباني-عرب-سان-سهڻو-سلوڪ   هڪ ڏينهن هڪ  بياباني عرب  مديني ۾ آيو ۽ رسول خدا (صلى الله عليه وآله) کان ڪجھ مدد وٺڻ لاءِ سڌو مسجد نبويءَ ۾ داخل ٿيو جتي رسول خدا ص پنهنجي اصحابن ۽ ساٿين سان ويٺآ هئا، هن شخص  رسول خدا ص کان حاجت طلب ڪئي ته پيغبر ص کيس ڪجهه ڏنو ليڪن هو انهي تي راضي...
5870
فقط-حضرت-علي-ع-ئي-رسول-الله-ص-جو-وصيءُ-۽-جانشين-ڇو-آهن؟اسان پهريان به عرض ڪري چڪا آهيون ته شيعن جو راسخ عقيدو آهي ته خلافت وارو منصب ۽ عهدو، الله سائين عطا ڪندو آهي. اهڙي ريت سندن اهو به عقيدو آهي ته پاڻ سڳورن صلى الله عليه و آله وسلم کان پوءِ شروع ٿيندڙ امامت، ڪجهه لحاظن کان نبوت وانگر آهي، جهڙي ريت...
12180